இந்தியா செமிகண்டக்டர் மிஷன் திட்டத்தின் கீழ், சிப் உற்பத்தி, அசெம்ப்ளி மற்றும் சோதனை உள்ளிட்ட பிரிவுகளில், ஏறத்தாழ 12 திட்டங்களுக்கு ஒப்புதல் வழங்கப்பட்டுள்ளது. டாடா எலக்ட்ரானிக்ஸ், மைக்ரான், சி.ஜி.பவர்–ரெனசாஸ் மற்றும் கெய்ன்ஸ் செமிகான் உள்ளிட்ட நிறுவனங்கள் முக்கிய திட்டங்களை செயல்படுத்தி வருகின்றன. இந்த நிலையில், கேனான் இந்தியாவின் முக்கிய செமிகண்டக்டர் திட்டங்களுடன் ஏற்கனவே பேச்சு நடத்தியுள்ளது.

கேனான் இந்தியா தலைவர் மற்றும் தலைமை செயல் அதிகாரி தோஷியாகி நோமுரா கூறியதாவது:

சிப் தயாரிப்பில் பயன்படுத்தப்படும் லித்தோகிராபி இயந்திரங்களை இந்தியாவுக்கு கொண்டு வர திட்டமிட்டுள்ளோம். திட்டங்கள் முன்னேறும் நிலையில், சிப் உற்பத்தி நிறுவனங்களுக்கு 24 மணி நேர தொழில்நுட்ப உதவி வழங்க தனி சேவை மையங்களையும் அமைக்க உள்ளோம்.

இவ்வாறு அவர் கூறினார்.