இந்நிலையில், இம்மாதம் ஒன்று முதல் 11ம் தேதி வரையிலான காலகட்டத்தில் மட்டும் 58,711 கோடி ரூபாய் மதிப்பிலான பங்குகளை அன்னிய முதலீட்டாளர்கள் விற்றுள்ளதாக தரவுகள் தெரிவிக்கின்றன. கடந்த ஒன்பது மாதங்களில் இல்லாத அதிகபட்ச விற்பனை இதுவாகும்.

இஸ்ரேல் - ஈரான் இடையே அதிகரித்து வரும் போர் பதற்றம், கச்சா எண்ணெய் விலை உயர்வு மற்றும் சீன சந்தையின் வலுவான செயல்திறன் உள்ளிட்ட பல்வேறு காரணங்களினால் ஏற்பட்டுள்ள சந்தை நிச்சயமற்ற தன்மையால், அன்னிய முதலீட்டாளர்கள் வளர்ந்து வரும் சந்தைகளில் செய்துள்ள தங்கள் முதலீடுகளை திரும்ப பெற்று வருகின்றனர்.

நடப்பாண்டில் இதுவரை, பங்குகளில் 41,899 கோடி ரூபாயும், கடன் சந்தையில் 1.09 லட்சம் கோடி ரூபாயும் அன்னிய முதலீட்டாளர்கள் முதலீடு செய்துள்ளனர்.