அரசு முறை பயணமாக இத்தாலி சென்ற மத்திய வர்த்தகம் மற்றும் தொழில்துறை அமைச்சர் பியுஷ் கோயல், அந்நாட்டின் துணைப் பிரதமர் அன்டோனியோ தஜானியை சந்தித்த போது, இதுதொடர்பாக விவாதித்துள்ளார்.

இதுகுறித்து மத்திய வர்த்தக அமைச்சகம் தெரிவித்துள்ளதாவது:

இந்தியாவும், இத்தாலியும் வளர்ந்து வரும் பல்வேறு துறைகளில் ஒத்துழைப்புக்கு முன்னுரிமை அளிக்க முடிவு செய்துள்ளன. இரு நாட்டு அமைச்சர்களின் தலைமையில் நடைபெற்ற இந்தியா - இத்தாலி பொருளாதார ஒத்துழைப்புக்கான கூட்டு ஆணையத்தின் 22வது அமர்வில், பல முக்கிய முடிவுகள் எடுக்கப்பட்டன.

விவசாயம், உணவு பதப்படுத்துதல் துறைகளில் ஒத்துழைப்பை வலுப்படுத்தவும், வாகனம் மற்றும் விண்வெளித் துறைகளில் கூட்டுப் பணிக் குழுக்களை அமைக்கவும் முடிவு செய்யப்பட்டுள்ளது.

மேலும், இந்தியா - மத்திய கிழக்கு - ஐரோப்பாவுக்கு இடையேயான பொருளாதார வழித்தடம் போன்ற உலகளாவிய இணைப்பு முயற்சிகளில் இணைந்து செயல்படுவதன் முக்கியத்துவம் குறித்தும் விவாதிக்கப்பட்டது.

இவ்வாறு தெரிவித்துஉள்ளது.