இது குறித்து, அவர் சென்னையில் நேற்று அளித்த பேட்டி: நாட்டில் 12 பெரிய துறைமுகங்கள் உட்பட 200க்கும் மேற்பட்ட துறைமுகங்கள் உள்ளன. இந்த துறைமுகங்களை நவீனமாக்கி, ஏற்றுமதி மற்றும் இறக்குமதியை அதிகரிக்க, 'சாகர்மாலா' போன்ற திட்டங்களை மத்திய கப்பல் போக்குவரத்து துறை செயல்படுத்தி வருகிறது.

இது தவிர, கடல்சார் உச்சி மாநாடுகள் நடத்தி, முதலீடுகள் ஈர்க்கப்பட்டு வருகிறது. மத்திய கப்பல் துறையில் ஐந்து புதிய சட்டங்கள் கொண்டு வரப்பட்டுள்ளன. கப்பல் போக்குவரத்து துறையை வலுப்படுத்தவும், அதிக அளவில் முதலீடுகளை ஈர்க்கவும், கப்பல்களின் சேவையை அதிகரிக்கவும் இவை உருவாக்கப்பட்டுள்ளன.

இதற்கிடையே, இந்திய கடல்சார் உச்சி மாநாடு வரும் அக்., 27ம் தேதி முதல் 31 வரை ஐந்து நாட்கள் மும்பையில் நடக்கிறது. இது துறைமுகங்கள், கப்பல் மற்றும் நீர்வழிகள் உட்பட கடல்சார் துறையில் முன்னேற்றத்தை வெளிப்படுத்தும் நாட்டின் முக்கிய தளமாக இருக்கும்.

இவ்வாறு அவர் கூறினார்.

* 100 நாடுகளில் இருந்து 1 லட்சம் பிரதிநிதிகள் பங்கேற்க உள்ளனர்.

* 500 அரங்குகளுடன், கண்காட்சிகள் இடம்பெற உள்ளன.

* 10 லட்சம் கோடி ரூபாய்க்கும் அதிகமான முதலீடுகள் எதிர்பார்ப்பு.

* 200க்கும் மேற்பட்ட வல்லுநர்கள் பங்கேற்று உரையாற்றுவர்.