நிலம் சேகரிப்பு வணிகத்தில் ஈடுபட்டு வரும் இந்நிறுவனம், 85,000 கோடி ரூபாய் முதலீட்டில் 10 மாநிலங்களில் தொழில் மற்றும் வணிக பூங்காக்களை அமைக்க உள்ளதாக தெரிவித்துள்ளது. இதன் வாயிலாக, 2 லட்சம் வேலைவாய்ப்புகள் உருவாக்கப்படும் என்றும், இந்நிறுவனம் தெரிவித்து உள்ளது. முதற்கட்டமாக தமிழகத்தில் தொழிற்பூங்காக்கள் அமைக்க உள்ளதாக தெரிவித்துள்ளது. சென்னை - பெங்களூரு நெடுஞ்சாலைப் பகுதி மற்றும் சென்னை துறைமுகப் பகுதிகளில் இந்த பூங்காக்கள் அமைக்கப்பட இருப்பதாகவும்; கூடுதலாக இரண்டாம் கட்ட நகரங்களில் வணிக பூங்காக்கள் அமைக்கப்பட உள்ளதாகவும் தெரிவித்துள்ளது.

இந்த பூங்காக்கள் போக்குவரத்து இணைப்பு, வலுவான உள்கட்டமைப்புடன் அமைக்கப்படும் என்றும், வாகனம், ஜவுளி, மின்னணுவியல் மற்றும் தகவல் தொழில்நுட்ப நிறுவனங்களுக்கு தேவையான வசதிகளை கொண்டிருக்கும் என்றும் தெரிவிக்கப்பட்டுள்ளது.