புதிய வருமான வரி முறையில், வரி விலக்கு வரம்பு நான்கு லட்சமாக உயர்த்தப்பட்டு, புதிய வரி விதிப்பு விகிதங்கள் பட்ஜெட்டில் அறிவிக்கப்பட்டுள்ளன. மேலும், 12 லட்சம் வரை வருமானம் இருந்தால் வரி செலுத்த வேண்டிய அவசியம் இல்லாத நிலையும் உள்ளது.

எனினும் புதிய வரி விதிப்பு முறையில் வழக்கமான கழிவுகள், பிடித்தங்கள் போன்றவை கிடையாது. இதனால் சிலருக்கு பழைய வரி விதிப்பு முறையை தேர்வு செய்வது பலனுள்ளதாக இருக்கலாம்.

இந்நிலையில், பழைய மற்றும் புதிய வரிவிதிப்பு முறையின் கீழ் ஒருவர் செலுத்த வேண்டிய வரியை ஒப்பிட்டு பார்க்க கூடிய எளிய கால்குலேட்டர் வசதியை வருமான வரித்துறை இணையதளத்தில் அறிமுகம் செய்யப்பட்டுள்ளது.

ஒருவரது வருமானம் மற்றும் பொருந்தக்கூடிய கழிவுகள் அடிப்படையில் பழைய மற்றும் புதிய வருமான வரி முறைகளில் செலுத்த வேண்டி யிருக்கும் வரி அளவின் ஒப்பீட்டை இதன் மூலம் அறியலாம்.