முந்தைய ஆண்டின் இதே காலத்துடன் ஒப்பிடுகையில், தனிநபர் பாலிசி விற்பனை 13.77 சதவீதம் அதிகரித்ததாக, எல்.ஐ.சி., வெளியிட்ட செய்திக்குறிப்பில் கூறப்பட்டுள்ளது.

ஏப்ரல் முதல் செப்டம்பர் வரை, வரிக்குப் பிந்தைய லாபம் 17,469 கோடியில் இருந்து 18,082 கோடி ரூபாயாகவும்; தனிநபர் பிரீமிய வருவாய் 17.29 சதவீதம் அதிகரித்து, 29,538 கோடி ரூபாயாகவும் உயர்ந்துள்ளதாக அதில் தெரிவிக்கப்பட்டுள்ளது.

பிரீமிய வருமான அடிப்படையில், காப்பீட்டு சந்தையில் 61.07 சதவீத பங்களிப்புடன் எல்.ஐ.சி., தொடர்ந்து முதலிடம் வகிக்கிறது. ஏப்ரல் - செப்டம்பரில் மொத்த சொத்து மதிப்பு 16.78 சதவீதம் உயர்ந்து, 55.40 லட்சம் கோடியாகி உள்ளதாகவும் தெரிவித்துள்ளது.