சீனா, வங்கதேசத்தில் ஏற்பட்ட அசாதாரண சூழல், இந்தியாவுக்கு புதிய வர்த்தக வாய்ப்புகளை வழங்கிஉள்ளது. இதன் காரணமாக, பல மாதங்கள் சரிந்து போயிருந்த ஆயத்த ஆடை ஏற்றுமதி, 2024 பிப்., மாதத்தில் இருந்து இயல்பு நிலைக்குத் திரும்பியது.

இது குறித்து, ஏ.இ.பி.சி., துணை தலைவர் சக்திவேல் கூறுகையில், ''கடந்த, 17 மாதங்களாக, இப்பிரிவில் ஏற்றுமதி, படிப்படியாக அதிகரித்து வருகிறது. பல்வேறு சவால்களை எதிர்கொண்டு, திருப்பூரின் ஏற்றுமதி அதிகரித்துள்ளது.

இதன் வாயிலாக, நாட்டின் ஒட்டுமொத்த ஏற்றுமதியும் அதிகரிக்கும். திறன் மேம்பாடு, சந்தை நுண்ணறிவு போன்ற முயற்சியால், ஆயத்த ஆடை ஏற்றுமதி வேகமாக முன்னேறி வருகிறது,'' என்றார்.