முக்கிய அம்சங்கள்:

 வங்கிகள், மூன்றாம் தரப்பு நிறுவனங்களின் பொருட்கள் மற்றும் சேவைகளை தங்களது டிஜிட்டல் தளங்கள் மற்றும் செயலிகளில் விளம்பரப்படுத்தக் கூடாது. ஒரே குழுமத்தைச் சேர்ந்த நிறுவனமாக இருந்தாலும், இது பொருந்தும்

 வாடிக்கையாளர்களிடம் ஆவணப்பூர்வமான அனுமதி பெற்ற பிறகே, அவர்களுக்கு டிஜிட்டல் வங்கி சேவைகளை வழங்க வேண்டும். மேலும், டெபிட் கார்டு போன்ற அத்தியாவசிய சேவைகளை பயன்படுத்த, டிஜிட்டல் வங்கி சேவை பயன்பாடு கட்டாயமாக்கப்படக் கூடாது

 ஏற்கனவே மொபைல் மற்றும் இணையதள வங்கி சேவை வழங்கி வரும் வங்கிகள், கூடுதலாக டிஜிட்டல் தளங்களை அறிமுகப்படுத்த விரும்பினால், ரிசர்வ் வங்கியிடம் அனுமதி பெறுவது கட்டாயமாக்கப்படும். இடர் மேலாண்மையில் ஏதேனும் குறைபாடு ஏற்பட்டால், வங்கியின் மூத்த நிர்வாகமே பொறுப்பேற்க வேண்டும்

 தகவல் தொழில்நுட்ப உள்கட்டமைப்பை, ரிசர்வ் வங்கி விதிமுறைகளுக்கு ஏற்ப மேம்படுத்தியுள்ள வங்கிகள் மட்டுமே , இருப்பு சரிபார்த்தல், வங்கி ஸ்டேட்மென்ட் பதிவிறக்கம் போன்ற பரிவர்த்தனை அல்லாத இணையதள மற்றும் மொபைல் வ ங்கி சேவைகளை வழங்க முடியும்.

இந்த வரைவு வழிகாட்டுதல்கள் குறித்து, பொதுமக்கள் அடுத்த மாதம் 11ம் தேதி வரை தங்களது கருத்துகளை தெரிவிக்கலாம் என அறிவிக்கப் பட்டுள்ளது.