நாட்டில் உணவு பொருட்கள் தயாரிப்பில் ஈடுபட்டுள்ள குறுந்தொழில் நிறுவனங்கள், தரமான பொருட்கள் உற்பத்தி செய்யவும், அந்நிறுவனங்களுக்கு அங்கீகாரம் கிடைக்கவும், பிரதமர் உணவு பதப்படுத்தும் குறு நிறுவனங்களை முறைப் படுத்தும் திட்டத்தை செயல்படுத்துகிறது.

தமிழகத்தில், இத்திட்டத்தை தமிழக அரசின் சிறு, குறு, நடுத்தர தொழில் துறையின் தொழில் வணிக ஆணையரகம் செயல்படுத்துகிறது.

இத்திட்டத்தில் இயந்திரங்கள் வாங்க உணவு பதப்படுத்தும் நிறுவனங்களுக்கு, 35 சதவீதம் அதிகபட்சம், 10 லட்சம் ரூபாய் வரை மானியம் வழங்கப்படுகிறது.

இதேபோல், சுய உதவிக்குழு உள்ளிட்டோருக்கு தனித்தனி மானியம் வழங்கப்படுகிறது.

இந்நிலையில், பல்வேறு பொருட்களுக்கு பொதுவான வணிக குறியீடு உருவாக்க உதவும் பணியில் தமிழக அரசு ஈடுபட்டுள்ளது.

இதற்காக, 3.62 கோடி ரூபாய் செலவிடப்பட உள்ளது. இந்த நிதியை, மத்திய அரசும், மாநில அரசும் பகிர்ந்துகொள்ள உள்ளன.

பொது வணிகக் குறியீடு பெற்ற பின், அந்த நிறுவனங்கள் தரமான முறையில் பொருட்களை உற்பத்தி செய்வதை, உழவர் உற்பத்தியாளர் குழுக்களும், அரசும் கண்காணிக்கும்.