இந்தியாவில் தயாரிக்கப்பட்ட மாருதி சுசூகி நிறுவனத்தின் முதல் மின்சார கார் 'இ விட்டாரா' அறிமுக நிகழ்ச்சியில் பங்கேற்ற அவர், “சுசூகி நிறுவனம், அடுத்த ஐந்து, ஆறு ஆண்டுகளில், இந்தியாவில் 70,000 கோடி ரூபாய் முதலீடு செய்ய உள்ளது.

கடந்த 40 ஆண்டுகளுக்கும் மேலாக இந்தியாவின் போக்குவரத்து துறையில், சுசூகி முக்கிய பங்காற்றி வருகிறது. இந்தியாவின் பசுமை போக்குவரத்து இலக்கை அடையவும், வளர்ச்சி அடைந்த நாடாக உருவாகவும் நிறுவனம் உறுதுணையாக இருக்கும்,” என தெரிவித்தார்.

சுசூகி குழுமம் இந்தியாவில் ஏற்கனவே ஒரு லட்சம் கோடி ரூபாய் முதலீடு செய்துள்ளது. இதன் வாயிலாக 11 லட்சம் நேரடி வேலைவாய்ப்புகள் உருவாக்கப்பட்டுள்ளன. இந்நிலையில், 70,000 கோடி ரூபாய் முதலீடு, நிறுவனத்தின் உற்பத்தி திறன் விரிவாக்கத்துக்கு பயன்படுத்தப்படும் என, மாருதி சுசூகி இந்தியா தலைவர் ஆர்.சி., பார்கவா தெரிவித்துள்ளார்.