கடந்த 2021 - 22 முதல், 2024 - 25 வரையிலான காலத்தில், தமிழகத்தில் முதலீடு, மேம்பாடு மற்றும் வளர்ச்சி ஆய்வை, எம்.எஸ்.எம்.இ., ஏற்றுமதி ஊக்குவிப்பு கவுன்சில் வெளியிட்டுள்ளது.

இதில் தெரிவிக்கப்பட்டு உள்ளதாவது:

கடந்த நான்கு ஆண்டுகளில் தமிழகம், 6.70 லட்சம் கோடி ரூபாய் முதலீட்டு திட்டங்களை ஈர்த்துள்ளது. இதில் 35,620 கோடி ரூபாய் மதிப்பிலான நிலுவையில் உள்ள திட்டங்கள் மீண்டும் உயிர்ப்பிக்கப்பட்டுள்ளன.

மொத்த முதலீட்டு திட்டத்தில் தனியார் துறை பங்களிப்பு, 5.20 லட்சம் கோடி ரூபாய். 'பார்ச்சூன் 500' பிரிவில் இடம்பெற்றுள்ள நிறுவனங்களில், 130 நிறுவனங்கள் தமிழகத்தில் செயல்படுகின்றன.

இது குறித்து, கவுன்சில் தலைவர் ராவத் கூறுகையில், 'செலவு அதிகரிக்கும் அபாயத்தை தவிர்க்க, நிலுவையில் உள்ள முதலீட்டு திட்டங்களை விரைவாக செயல்படுத்த, உயர் அதிகாரம் உடைய குழுவை அமைக்க வேண்டும்' என பரிந்துரை செய்துள்ளார்.

நிலுவையில் உள்ள 35,620 கோடி ரூபாய் மதிப்பிலான திட்டங்கள் மீண்டும் உயிர்ப்பிக்கப்பட்டு உள்ளன