கடந்த அக்டோபரில் 10.87 சதவீதமாக இருந்த உணவுப் பிரிவு பணவீக்கம், நவம்பரில் 9.04 சதவீதமாகக் குறைந்தது, ஒட்டுமொத்த பணவீக்க விகிதம் குறைய முக்கிய காரணமாக அமைந்தது.

நவம்பரில் குறிப்பிட்ட சில காய்கறிகள், பருப்பு வகைகள், சர்க்கரை, பழங்கள், முட்டை, பால், மசாலா பொருட்கள், போக்கு வரத்து மற்றும் தகவல் தொடர்பு ஆகிய பிரிவுகளில் பணவீக்கம் குறிப்பிடத்தக்க அளவு குறைந்தது. பூண்டு, உருளை, காலிபிளவர், முட்டைக்கோஸ் மற்றும் தேங்காய் எண்ணெய் ஆகியவற்றில் பணவீக்கம் அதிகரித்து காணப்பட்டது.

பணவீக்கம் குறையத் துவங்கியுள்ளதால், ரிசர்வ் வங்கியின் பிப்ரவரி மாத பணக் கொள்கை கூட்டத்தில், ரெப்போ வட்டி விகிதம் குறைக்கப்படுவதற்கான வாய்ப்புள்ளதாக, பொருளாதார நிபுணர்கள் கருத்து தெரிவிக்கின்றனர்.