தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/வர்த்தகம்/பொது/ பொம்மை, ஏசி, காலணி தரக்கட்டுப்பாட்டு விதி தளர்வு

 பொம்மை, ஏசி, காலணி தரக்கட்டுப்பாட்டு விதி தளர்வு

 பொம்மை, ஏசி, காலணி தரக்கட்டுப்பாட்டு விதி தளர்வு


ADDED : ஜூன் 26, 2026 11:27 PM

Follow on GoogleFavourite on Google

ADDED : ஜூன் 26, 2026 11:27 PM


Follow on Google
Latest Tamil News
அ நிறம் | அளவு

புதுடில்லி: பொம்மைகள், ஏசி, காலணி உள்ளிட்ட பல்வேறு பொருட்களைத் தயாரிக்கும் நிறுவனங்களுக்கான கடுமையான தரக்கட்டுப்பாட்டு உத்தரவுகளில் தளர்வை மத்திய அரசு அறிவித்துள்ளது.

அந்த உத்தரவில் கூறியுள்ளதாவது:

விளையாட்டுப் பொருட்கள், தனிநபர் பாதுகாப்பு உபகரணங்கள், ஏசி, வாஷிங் மெஷின், வாட்டர் ஹீட்டர், காலணிகள் உள்ளிட்ட பத்து வகையான பொருட்களைத் தயாரிக்கும் நிறுவனங்களுக்குக் கடுமையான தரக்கட்டுப்பாட்டு உத்தரவுகளுக்குப் பதிலாக மாற்று வழிமுறை அனுமதிக்கப்படுகிறது. 'தாராளமயமாக்கல்' எனும் இந்த இடைக்காலத் திட்டம், உற்பத்தியாளர்கள் முழுமையான தரக்கட்டுப்பாட்டு உத்தரவுகளுக்கு மாறும் வரை, அதாவது ஐந்து ஆண்டுகள் நடப்பில் இருக்கும்.

இத்திட்டத்தின்கீழ் வழங்கப்படும் உரிமங்கள் தொடக்கத்தில் இரண்டு ஆண்டுகளுக்கு மட்டுமே செல்லுபடியாகும்; அதன் பின்னர் அவற்றை புதுப்பித்துக்கொள்ளலாம்.

இவ்வாறு அந்த உத்தரவில் கூறப்பட்டுள்ளது.

மாற்றுத்திட்டம் என்ன?
*புதிய எளிய முறை: 'இடைக்கால வசதி உத்தரவு 2026' வாயிலாக எளிய மாற்று முறை அறிமுகமாகியுள்ளது. இதன்படி, நிறுவனங்கள் இனி கடுமையான 'ஐ.எஸ்.ஐ திட்டம்-1' சான்றிதழுக்காக நீண்ட காலம் காத்திருக்கத் தேவையில்லை. அதற்குப் பதிலாக, இந்தியத் தரநிலைகளைப் பின்பற்றுவதாகச் சுய சான்றளித்து எளிமையான 'திட்டம் 2' பதிவின் கீழ் பொருட்களை தயாரித்து விற்பனை செய்யலாம்.
*விண்ணப்பிக்கும் முறை: இந்த புதிய வழிமுறையின் கீழ் அனுமதி பெறுவதற்கு, டிபிஐஐடி எனும் தொழில் வளர்ச்சி மற்றும் உள்நாட்டு வர்த்தகத் துறை அமைக்கும் ஒரு சிறப்புக் குழுவிடம் விண்ணப்பம் சமர்ப்பிக்க வேண்டும். இக்குழுவில் வர்த்தகத் துறை, நுகர்வோர் விவகாரங்கள் துறை, வெளிநாட்டு வர்த்தக பொது இயக்குநரகம் மற்றும் இந்தியத் தர நிர்ணய அமைப்பு ஆகியவற்றின் பிரதிநிதிகள் இடம் பெறுவர்.
*தகுதிகள்: நிறுவனங்களின் தொழில்நுட்பத் திறன், விதிகளைப் பின்பற்றிய வரலாறு மற்றும் உள்நாட்டு உற்பத்தியை வலுப்படுத்துவதற்கான அவர்களின் ஆர்வம் ஆகியவை தகுதிகளாக எடுத்துக்கொள்ளப்படும். மேலும், கடந்த மூன்று ஆண்டுகளாக விதிமுறை மீறல் இல்லாமல் இயங்கும் நிறுவனங்களுக்கு கூடுதல் சலுகை உண்டு.



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us