'கட்டண குறைப்பு தேவை' இதுகுறித்து, தமிழக சிறு மற்றும் குறுந்தொழில்கள் சங்க தலைவர் வாசுதேவன் கூறியதாவது: காற்று மாசு அனுமதி, தண்ணீர் மாசு அனுமதிக்கு, மாசு கட்டுப்பாட்டு வாரியம் கட்டணங்களை வசூலிக்கிறது. இந்த கட்டணங்கள் ஆலையில் இயந்திரங்கள் மீதான முதலீட்டு மதிப்பின் அடிப்படையில் மட்டுமே வசூலிக்க வேண்டும். ஆனால் நிலம், கட்டடம், இயந்திரங்கள் என, ஒட்டுமொத்தமாக முதலீட்டை சேர்த்து, ஒரு லட்சம் ரூபாய்க்கு, 300 ரூபாய் முதல் 500 ரூபாய் வரை வசூலிக்கப்படுகிறது. இது, சிறு நிறுவனங்களுக்கு அதிக பாதிப்பை ஏற்படுத்துகிறது. மேலும், புதிய தொழில் துவங்க, தொழில் துவங்கும் முன் ஒரு அனுமதி, பின் தொழிலை இயக்க அனுமதி என, இரண்டு அனுமதி பெற வேண்டியுள்ளது. இவை, பெரிய நிறுவனங்களுக்குத்தான் பொருந்தும். இவ்வாறு அவர் கூறினார்.