1 அமெரிக்க மத்திய வங்கி வட்டி விகிதங்க ளைக் குறைக்கும் என சந்தை எதிர்பார்க்கிறது. இதனால் டாலரின் மதிப்பு குறைகிறது. வட்டி விகிதங்கள் குறைந்தால், முதலீட்டாளர்கள், டாலரை விட்டுவிட்டு மற்ற நாடுகளின் கரன்சிகளில் முதலீடு செய்ய வாய்ப்புள்ளது.

2 யூரோ, யென் மற்றும் ப வுண்ட் போன்ற முக்கிய கரன்சிகளின் மதிப்பு நிலையாக உள்ளது. இதனால், டாலருக்கு இருந்த 'சாதகமான வட்டி விகித மதிப்பு' குறைந்து, டாலரின் மதிப்பு மேலும் பலவீனமடைகிறது.

வர்த்தக பேச்சு

பல மாதங்களாக நிலவி வந்த அமெரிக்கா -- இந்தியா வர்த்தகப் பிரச்னைகள் இப்போது தீரும் என்று தெரிகிறது. டில்லியில் நடந்த இரு நாட்டு அதிகாரிகளின் சந்திப்பு, நல்லவிதமாகவும், எதிர்காலத்தை நோக்கியும் இருந்ததாக இந்தியா கூறியுள்ளது. இந்த நேர்மறையான பேச்சு, வர்த்தக ஒப்பந்தம் விரைவில் ஏற்படும் என்ற நம்பிக்கையை ஏற்படுத்தியுள்ளது. இதுவும் ரூபாயின் மதிப்பு உயர ஒரு காரணம்.

எதிர்கால பார்வை

 அமெரிக்க மத்திய வங்கி வட்டியை குறைக்கும் என்ற எதிர்பார்ப்பு, ரூபாய்க்கு ஒரு தற்காலிக பலத்தைக் கொடுத்துள்ளது.

 அமெரிக்கா உடனான வர்த்தகப் பேச்சு ரூபாய்க்கு மேலும் ஒரு ஆதரவைத் தருகிறது.

 ரூபாயின் மதிப்பு 88.20- ரூபாய்க்கு அருகில் தடையாக இருக்கலாம்.

 87.70- ரூபாய்க்கு கீழே மதிப்பு குறைந்தால், அது 87.50 மற்றும் 87.20 வரை வலுப்பெற வாய்ப்புள்ளது.

சுருக்கமாகச் சொன்னால், அமெரிக்க டாலரின் மதிப்பு குறைவது மற்றும் இந்தியா--அமெரிக்கா இடையேயான வர்த்தக உறவுகள் மேம்படுவது ஆகிய இரண்டு முக்கிய காரணங்களால், இந்திய ரூபாயின் மதிப்பு தற்போது வலுப்பெற்றுள்ளது.