கடந்த 8 ஆண்டுகளில், தீபாவளி டூ தீபாவளியில் பதிவான தரவுகளின் படி, அதிக லாபம் வழங்கியதில், 6 முறை சந்தை குறியீடுகளை தங்கமே வென்றுள்ளது. 2017 மற்றும் 2021ல் மட்டும் சரிவைக் கண்டது.

சந்தை ஆய்வாளர்கள் தெரிவித்துள்ளதாவது:

மத்திய வங்கிகளில் தங்கத்தின் கையிருப்பை அதிகரித்துக் கொண்டே இருப்பது, அமெரிக்க பெடரல் ரிசர்வ் மேலும் வட்டியை குறைப்பதற்கான எதிர்பார்ப்புகள் இருப்பதால், பண்டிகை காலத்துக்கு பின்னரும் தங்கம் தொடர்ந்து உச்சத்தில் இருக்கக்கூடும்.

அமெரிக்க டாலருக்கு மாற்றாக முன்வைக்கப்படும் கரன்சி தொடர்பான நகர்வுகள் இதை வெளிப்படுத்துகிறது. இதனால், முதலீட்டாளர்கள் புதிய நிச்சயமற்ற நிலைக்குத் தயாராகி வருகின்றனர்.

இவ்வாறு அவர்கள் தெரிவித்தனர்.

தொடர்ச்சியாக நான்காவது ஆண்டாக, பங்குச் சந்தை குறியீடுகளை விட அதிக லாபம் தருகிறது தங்கம்