ADDED : ஜூன் 29, 2026 01:26 AM

ரியல் எஸ்டேட் சந்தையில் 'பிரைவேட் ஈக்விட்டி' முதலீடுகள் 2026ம் ஆண்டின் முதல் அரையாண்டில், 23 சதவீதம் குறைந்துள்ளதாக 'நைட்பிராங் இந்தியா' நிறுவனம் வெளியிட்டுள்ள அறிக்கை கூறுகிறது. மேலும், வீடுகளை விட அலுவலக சொத்துக்களில் முதலீடு செய்வதில் பிரைவேட் ஈக்விட்டி பண்டுகள் அதிக ஆர்வம் காட்டியுள்ளன.
அறிக்கையில் மேலும் தெரிவிக்கப்பட்டுள்ளதாவது:
* சர்வதேச வட்டி விகிதங்கள் உயர்வாக இருப்பதால், முதலீட்டாளர்கள் எச்சரிக்கையாக தேர்ந்தெடுத்து முதலீடு செய்கின்றனர்
* மொத்த ரியல் எஸ்டேட் முதலீட்டில் 89 சதவீதம் அலுவலக சொத்துக்களில் குவிந்துள்ளன
* அலுவலக சொத்துக்களில் முதலீடு 33 சதவீதம் உயர்ந்துள்ளது
* வீடமைப்பு திட்டங்களில் முதலீடு 57 சதவீதம் குறைந்துள்ளது
* அலுவலக முதலீடுகளில் 75 சதவீதம் கட்டி முடிக்கப்பட்டு தயார் நிலையில் உள்ள சொத்துக்களுக்கு சென்றுள்ளன
* ஜி.சி.சி., சர்வதேச நிறுவனங்கள் மற்றும் உள்நாட்டு நிறுவனங்களிடம் இருந்து அலுவலகங்களுக்கு அதிக டிமாண்டு உள்ளது
* டெல்லி - என்.சி.ஆர்., புனே, சென்னை ஆகிய நகரங்களில் அதிக பிரைவேட் ஈக்விட்டி முதலீடுகள் குவிந்துள்ளன.
