சென்செக்ஸ் 516 புள்ளிகள் சரிந்து 77,328 என்ற நிலையிலும், நிப்டி 150 புள்ளிகள் குறைந்து 24,176 என்ற நிலையிலும் முடிந்தன.

மார்ச் காலாண்டு முடிவுகளுக்கு பின், எஸ்.பி.ஐ., பங்குகள் 6.74 சதவீதம் சரிந்தன. 'ஹெச்.டி.எப்.சி., வங்கி, பஜாஜ் பைனான்ஸ், ஆக்சிஸ் வங்கி போன்ற நிறுவனங்கள் சரிவை சந்தித்தன.

அதேநேரம், 'டைட்டன்' நிறுவனம், தனது நிகர லாபத்தில் 35 சதவீத வளர்ச்சியை பதிவு செய்ததால், அதன் பங்குகள் 4.76 சதவீதம் உயர்ந்தன. 'ஏசியன் பெயின்ட்ஸ், அதானி போர்ட்ஸ், இன்போசிஸ்' ஆகியவையும் லாபத்தில் முடிந்தன.

உலகளாவிய அரசியல் சூழல் மற்றும் கச்சா எண்ணெய் விலை உயர்வு காரணமாக சந்தை ஏற்ற இறக்கத்துடன் காணப்பட்டாலும், நிப்டி 24,140 என்ற நிலைக்கு கீழ் சென்றால், மேலும் சரிவு ஏற்பட வாய்ப்புள்ளதாக நிபுணர்கள் கருதுகின்றனர்.