இவற்றில், 'நிப்டி மிட்கேப் 50' குறியீடு அதிகபட்சமாக 0.96 சதவீத ஏற்றத்துடனும், 'நிப்டி100' குறியீடு குறைந்தபட்சமாக 0.39 சதவீத ஏற்றத்துடனும் நிறைவடைந்தன. 21 துறை சார்ந்த குறியீடுகளில் 18 குறியீடுகள் ஏற்றத்துடனும்; 3 குறியீடுகள் இறக்கத்துடனும் நிறைவடைந்தன.

இவற்றில், 'நிப்டி பார்மா' குறியீடு அதிகபட்சமாக 1.66 சதவீத உயர்வுடனும், 'நிப்டி பிரைவேட் பேங்க்' குறியீடு அதிகபட்சமாக 0.42 சதவீத சரிவுடனும் முடிவடைந்தன. என்.எஸ்.இ.,-யில் வர்த்தகம் நடந்த 3,651 நிறுவனங்களின் பங்குகளில் 2,262 ஏற்றத்துடனும்; 1,279 இறக்கத்துடனும்; 110 மாற்றம் ஏதும் இல்லாமலும் நிறைவடைந்திருந்தன.

முக்கிய சராசரிகளுக்கு (14, 21, 50, 100 மற்றும் 200 நாள் இ.எம்.ஏ.,க்கள்) கீழே நிறைவடைந்துள்ளதால் டெக்னிக்கலாக நிப்டி இன்னும் பலவீனமாகத்தான் இருக்கிறது. இச்சிமோகு இண்டிக்கேட்டரில் நிப்டி டென்கன் - சென் (23,560) மற்றும் கிஜின் சென் (23,794) அளவிற்கு கீழே நிறைவடைந்திருப்பது குறுகிய கால இச்சிமோகு செட் அப் பலவீனமாக இருப்பதையே காட்டுகிறது.

இருப்பினும், ஆர்.எஸ்.ஐ., 29.95 என்ற அளவிலும், ஸ்டோக்காஸ்ட்டிக் 17.90 என்ற அளவிலும் இருப்பது நிப்டி ஓவர்சோல்டு நிலைக்கு அருகில் இருப்பதை காட்டுகிறது. மேலும் ஸ்டோக்காஸ்ட்டிக் %கே 32.41 என்ற அளவிலும், %டி 17.90 என்ற அளவிலும் இருப்பது மிக குறுகியகால அளவீட்டில் மொமென்டம் சற்று முன்னேற்றம் கண்டிருப்பதை காட்டுகிறது.

நிப்டி 23,363-ஐ கடந்து சென்றால் மட்டுமே தற்போது நடைபெறும் மீட்சி தொடர வாய்ப்புள்ளது. 23,116-க்கு கீழே சென்றால் மீண்டும் இறக்கம் தொடர வாய்ப்புள்ளது.