இவற்றில், 'நிப்டி மைக்ரோகேப் 250' குறியீடு அதிகபட்சமாக 0.25 சதவீத உயர்வுடனும், 'நிப்டி ஸ்மால்கேப்50' குறியீடு குறைந்த பட்சமாக 0.35 சதவீத சரிவுடனும் முடிவடைந்தன. 21 துறை சார்ந்த குறியீடுகளில் 8 குறியீடுகள் ஏற்றத்துடனும்; 13 குறியீடுகள் இறக்கத்துடனும் நிறைவடைந்தன.

இவற்றில், 'நிப்டி மெட்டல்' குறியீடு அதிகபட்சமாக 1.59 சதவீத ஏற்றத்துடனும், 'நிப்டி பி.எஸ்.யு., பேங்க்' குறியீடு அதிகபட்சமாக 0.93 சதவீத இறக்கத்துடனும் நிறைவடைந்தன. என்.எஸ்.இ.,யில் வர்த்தகம் நடந்த 3,673 நிறுவனங்களின் பங்குகளில் 1,740 ஏற்றத்துடனும்; 1,820 இறக்கத்துடனும்; 113 மாற்றம் ஏதும் இல்லாமலும் காணப்பட்டன.

நிப்டியின் ஆர்.எஸ்.ஐ., 47.85 என்ற அளவில் கிட்டத்தட்ட நடுநிலைமையில் உள்ளது. பாஸ்ட் ஸ்டோக்காஸ்ட்டிக் %கே 67.30 என்ற அளவிலும் %டி 63.10 என்ற அளவிலும் இருப்பது குறுகிய கால மொமென்டத்தில் சிறியதொரு முன்னேற்றம் உருவாகியுள்ளதை காட்டுகிறது.

எம்.ஏ.சி.டி., 13.22-ல் இருப்பது குறுகிய கால மொமென்டம் இன்னும் முழுமையாக பலம்பெறவில்லை என்பதை உணர்த்துகிறது. ஆர்.ஓ.சி., -1.69 என்ற அளவில் இருப்பது மொமென்டத்தில் இன்னும் சற்று பலகீனம் எஞ்சியிருப்பதை காட்டுகிறது.

இவற்றை வைத்து பார்த்தால் நிப்டியின் உடனடி சப்போர்ட்டாக 24,190-24,205 என்ற லெவல்கள் இருக்கின்றன. இந்த லெவலுக்கு கீழ் இறங்காமல் இருக்கும் பட்சத்தில் 24,290-24,315 என்ற லெவல்வரை செல்ல வாய்ப்புள்ளது. 24,315-க்கு மேல் நிறைவடைந்தால் 24,430 வரையிலுமே செல்ல வாய்ப்புள்ளது.

அதேநேரம், 24,190-க்கு கீழே சென்றால் 24,000 வரை செல்வதற்கான வாய்ப்பும் உள்ளது. டெக்னிக்கல்கள் பெரிய அளவில் சாதகமாக இல்லாத சூழல் தென்படும் போதும் திடீர் ஏற்றத்திற்கான வாய்ப்பு இல்லை என்று ஒட்டுமொத்தமாக ஒதுக்கிவிட முடியாது.