எந்த மாற்றமும் இல்லை

 நேற்றைய தினம், பங்கு சந்தைகள் அதிகமான ஏற்ற இறக்கத்துடன் இருந்து, இறுதியில் சரிவைக் கண்டன.
 நிப்டி, எந்த மாற்றமும் இல்லாமல், முந்தைய தின முடிவு எவ்வாறு இருந்ததோ, அதே புள்ளிகளுடன் நிறைவடைந்தது. சென்செக்ஸ் 0.06 சதவீதம் சரிவுடன் நிறைவடைந்தது
 தனியார் வங்கிகள், தகவல் தொழில்நுட்ப நிறுவனங்கள் ஆகியவற்றின் பங்குகள் அதிகளவில் விற்கப்பட்டதும், அன்னிய முதலீட்டாளர்கள் அதிகளவில் பங்குகளை விற்பனை செய்ததும், இறக்கத்துக்கு வழிவகுத்தது
 ஓட்டளித்தவர்கள் சதவீதம் குறைந்தது, ஆசிய சந்தைகளின் இறக்கம் ஆகியவை, முதலீட்டாளர்களின் நம்பிக்கையை குறைப்பதாக அமைந்ததும், சந்தை சரிவுக்கு ஒரு காரணமாக அமைந்தது
 இவை போன்ற காரணங்களால், முதலீட்டாளர்கள் மிகுந்த ஜாக்கிரதை உணர்வுடனேயே சந்தையை அணுகி வருகின்றனர்
 உலக கச்சா எண்ணெய் சந்தையில், நேற்று ஒரு பேரலின் விலை 1.65 சதவீதம் சரிந்து, 81.79 டாலராக இருந்தது
 இந்திய பங்கு சந்தைகளில், அன்னிய நிறுவன முதலீட்டாளர்கள், செவ்வாயன்று 3,669 கோடி ரூபாய் அளவிலான பங்குகளை விற்பனை செய்திருந்தனர்
 அமெரிக்க டாலருக்கு எதிரான இந்திய ரூபாயின் மதிப்பு, பெரிய மாற்றம் ஏதுவுமின்றி, 83.51 ரூபாயாக இருந்தது.