கடந்த 2013ம் ஆண்டு துவங்கப்பட்ட இமேஜின் மார்க்கெட்டிங் நிறுவனம், முன்னதாக கடந்த 2022ல் புதிய பங்கு வெளியீடுக்கு வர திட்டமிட்டது.

ஆனால், அப்போது வரவில்லை. தற்போது இரண்டாவது முறையாக ஐ.பி.ஓ.,வுக்கு விண்ணப்பித்து உள்ளது.

ஏற்கனவே, முதலீட்டாளர் வசமுள்ள 1,100 கோடி ரூபாய் பங்குகள் விற்பனையுடன், புதிய பங்குகள் விற்பனை வாயிலாக 900 கோடி என, 2,000 கோடி ரூபாய் முதலீட்டை திரட்ட திட்டமிட்டுள்ளதாகக் கூறப்படுகிறது.

வழக்கமான முறையில் விண்ணப்பிக்கும்போது, செபியின் ஒப்புதல் பெற்ற 12 மாதங்களுக்குள் ஐ.பி.ஓ., வர வேண்டும். ரகசிய முறையில் விண்ணப்பித்து இருப்பதால், ஐ.பி.ஓ., வருவதற்கு 18 மாதங்கள் வரை அவகாசம் கிடைக்கும்.