மத்திய வர்த்தகத்துறை அமைச்சகம், கடந்த நிதியாண்டில் நடந்த, ஏற்றுமதி மற்றும் இறக்குமதி வர்த்தகம் தொடர்பான புள்ளி விபரங்களை வெளியிட்டு வருகிறது.

பருத்தி நுாலிழை, துணி, வீட்டு உபயோக ஜவுளி, கைத்தறி ஜவுளி ரகங்கள் ஏற்றுமதி, 1.02 லட்சம் கோடி ரூபாயை கடந்துள்ளது; முந்தைய ஆண்டில், 96,729 கோடி ரூபாயாக இருந்தது. இவ்வகை பொருட்கள் ஏற்றுமதி 5.45 சதவீதம் வளர்ச்சி பெற்றுள்ளது.

செயற்கை நுாலிழை, துணி, வீட்டு உபயோக ஜவுளி ரகங்கள் ஏற்றுமதி, 41,195 கோடி ரூபாய்க்கு நடந்துள்ளது; முந்தைய ஆண்டில், 38,735 கோடியாக இருந்தது.

திருப்பூர் ஆயத்த ஆடை ஏற்றுமதியாளர்கள் கூறுகையில், 'வரும் ஆண்டுகளில், தமிழகத்தில் இருந்தும், செயற்கை நுாலிழை ஜவுளி பொருட்கள் உற்பத்தி மற்றும் ஏற்றுமதி மேலும் அதிகரிக்க வாய்ப்புள்ளது' என்றனர்.