மியூச்சுவல் பண்ட் தொடர்பான விழிப்புணர்வு மற்றும் முதலீடு அதிகரித்து வருகிறது. இதன் அடையாளமாக, சமபங்கு நிதிகளில் செய்யப்படும் முதலீடு நிகர வரத்து, கடந்த 23 மாதங்களில் இல்லாத அளவு பிப்ரவரி மாதம் 26,866 கோடி ரூபாயாக அதிகரித்துள்ளதாக, மியூச்சுவல் பண்ட் நிறுவனங்கள் சங்க தகவல் தெரிவிக்கிறது.

மேலும் குறிப்பிட்ட கருப்பொருள் சார்ந்த நிதிகளில் முதலீடு கணிசமாக அதிகரித்துள்ளது. ஸ்மால் மற்றும் மிட்கேப் நிதிகள் பிரிவிலும் முதலீடு அதிகரித்துள்ளது.

எனினும், லார்ஜ் கேப் நிதிகள் பிரிவில் முதலீடு குறைந்துள்ளது. இதே போல, கடன்சார் நிதிகள் பிரிவிலும் முதலீடு மாதாந்திர அடிப்படையில் முதலீடு குறைந்துள்ளது.

எனினும், லிக்விட் பண்ட் பிரிவில் இணையான காலத்தில் முதலீடு, 69 சதவீதம் அதிகரித்திருப்பதாக தெரிய வந்துள்ளது. சீரான முதலீடு வழியான எஸ்.ஐ.பி., முறை மூலமான முதலீடும் அதிகரித்து உள்ளது.

புதிய மியூச்சுவல் பண்ட் கணக்கு துவக்கப்படுவதும் அதிகரித்துள்ளது.