நேற்று தேசிய பங்கு சந்தையில் நிறுவனத்தின் பங்கு விலை, 6.47 சதவீதம் அதிகரித்து 1,112 ரூபாயாக இருந்தது. நடப்பாண்டில் இதுவரை இந்நிறுவனத்தின் பங்கு விலை, 33 சதவீதம் வரை அதிகரித்துள்ளது.

எல்.ஐ.சி.,யின் சந்தை மதிப்பு நேற்று ஒரே நாளில் 39,000 கோடி ரூபாய் அதிகரித்து, 6.99 லட்சம் கோடி ரூபாயாக உயர்ந்தது. இதன் வாயிலாக அதிக சந்தை மதிப்பை கொண்ட நிறுவனங்கள் பட்டியலில் ஐ.சி.ஐ.சி.ஐ., வங்கியை பின்னுக்குத் தள்ளி, எல்.ஐ.சி., ஐந்தாவது இடத்திற்கு முன்னேறிஉள்ளது.