இந்தியர்களின் பங்கு 36% முன்பு பெரிய நிறுவனங்கள் மட்டுமே லாபம் பார்த்த பங்குச் சந்தையில், இன்று சாதாரண மனிதர்களும் பங்குதாரர்களாக மாறியுள்ளனர். 'நிப்டி 50' குறியீட்டில் உள்ள நிறுவனங்களின் சந்தை மதிப்பில், தனிநபர் முதலீட்டாளர்கள் மற்றும் மியூச்சுவல் பண்டு நிறுவனங்களின் பங்கு 36 சதவீதமாக உயர்ந்துள்ளது. ஒரு காலத்தில் வெளிநாட்டு முதலீட்டாளர்கள் விற்றால், இந்தியச் சந்தை நிலைகுலைந்து போகும் நிலை இருந்தது. ஆனால் இன்று, உள்நாட்டு முதலீட்டாளர்களின் பலத்தால் சர்வதேச நெருக்கடிகளையும் இந்திய சந்தை துணிச்சலுடன் எதிர்கொள்கிறது. 1996ல் தொடங்கப்பட்ட நிப்டி 50, இன்று இந்தியாவின் பொருளாதார வளர்ச்சியின் கண்ணாடியாகத் திகழ்கிறது. முதலீட்டாளர்களின் பாதுகாப்பு மற்றும் வெளிப்படையான வர்த்தகம் காரணமாகவே இந்த அசாத்திய வளர்ச்சி சாத்தியமானது. - துஹின் காந்தா பாண்டே, தலைவர், செபி.