முந்தைய ஆண்டின் இதே காலத்துடன் ஒப்பிடுகையில், இது 31.30 சதவீதம் அதிகமாகும். மத்திய நிதி அமைச்சக தகவலின்படி, பொதுத் துறை வங்கிகளின் இயக்க லாபம், 2.20 லட்சம் கோடி ரூபாயை தாண்டியது. வங்கித் துறையை வலிமைப்படுத்த எடுக்கப்பட்ட கொள்கை முடிவுகளால், வாராக்கடன், வரலாற்றில் முதல்முறையாக 0.59 சதவீதமாக குறைந்து 61,252 கோடி ரூபாயானது.

வர்த்தக விரிவாக்கத்தைப் பொறுத்தவரை, பொதுத்துறை வங்கிகள், 2023ம் ஆண்டுடன் ஒப்பிடுகையில், கடந்த ஆண்டில் 11 சதவீத வளர்ச்சி கண்டன. அவற்றின் மொத்த வர்த்தகம் 242 லட்சம் கோடி ரூபாயை எட்டியுள்ளது. டிபாசிட் வளர்ச்சி 9.80 சதவீதமாகவும், கடன் வணிக வளர்ச்சி 12.4 சதவீதமாகவும் இருந்தது. கடன் வழங்கியதில், சில்லறை வணிகக் கடன் வளர்ச்சி 16.60 சதவீதமாகவும் வேளாண் கடன் வளர்ச்சி 12.90 சதவீதமாகவும், எம்.எஸ்.எம்.இ., கடன் வளர்ச்சி 12.50 சதவீதமாகவும் உயர்ந்துள்ளது.

வங்கித் துறையை வலுப்படுத்தும் அரசின் நடவடிக்கைகளின் பலனை இது எடுத்துக் காட்டுவதாக நிதிஅமைச்சக அதிகாரிகள் தெரிவித்தனர்.