தொடரும் ஏற்றப்போக்கு

 முந்தைய நாள் பட்ஜெட் அறிவிப்புகள் மற்றும் உலக சந்தை நிலவரம் காரணமாக, இந்திய பங்குச் சந்தைகள் ஏற்றத்துடன் முடிவடைந்தன தேசிய பங்குச் சந்தை குறியீடு 'நிப்டி' இதுவரை இல்லாத உச்சத்தை நேற்று அடைந்தது. வர்த்தகத்தின் இடையே 429 புள்ளிகள் அளவுக்கு உயர்ந்து, 22126 புள்ளிகள் எனும் புதிய உச்சத்தை தொட்டது மும்பை பங்குச் சந்தை குறியீடு 'சென்செக்ஸ்' 1,100 புள்ளிகள் அளவுக்கு ஏறியது குறிப்பிடத் தக்கது. வர்த்தகத்தின் இறுதியில் உச்சத்திலிருந்து சரிந்தாலும், ஏற்றத்துடனேயே முடிவடைந்தது மும்பை பங்குச் சந்தையில் பட்டியலிடப்பட்டுள்ள நிறுவனங்களின் மொத்த சந்தை மதிப்பு நேற்று 382.78 லட்சம் கோடி ரூபாயாக அதிகரித்தது. சென்செக்ஸ் பிரிவில் உள்ள மொத்தம் 30 நிறுவனங்களில், 21 நிறுவன பங்குகள் பச்சையில் ஒளிர்ந்தன இடைக்கால பட்ஜெட் தாக்கல், சந்தையில் எந்த வொரு மோசமான பாதிப்பையும் ஏற்படுத்தவில்லை. தேர்தலுக்கு முந்தைய சந்தையின் ஏற்றப்போக்கு தொடர்கிறது என்பது சாதகமான அம்சம் கடந்த ஜனவரியில் வாகன விற்பனையும் நல்ல செய்தியை வழங்கியதில் வர்த்தகர்கள் மகிழ்ச்சி அடைந்துள்ளனர் நிதிப் பற்றாக்குறை இலக்கு குறைக்கப்பட்டது, நிதி துறை நிறுவன பங்குகளில் பாதிப்பை ஏற்படுத்தியது. பி.எஸ்.இ., வங்கி குறியீடு சரிவை கண்டது. கிட்டத்தட்ட 270 புள்ளிகள் சரிந்தது ரிசர்வ் வங்கியின் பணக் கொள்கை குழு கூட்டத்தில், வட்டி விகிதம் குறித்து எந்த மாற்றமும் அறிவிக்கப்படாது என வர்த்தகர்கள் எதிர்பார்த்து வருகின்றனர் நேற்றைய வர்த்தகத்தில், மும்பை பங்குச் சந்தை யில் முதலீட்டாளர்கள் லாபம் 3.36 லட்சம் கோடி ரூபாய் அளவுக்கு அதிகரித்தது. இச்சந்தையிலுள்ள 2,036 நிறுவனங்கள் லாபமீட்டின; 1,811 பங்குகள் நஷ்டத்தை சந்தித்தன. 96 நிறுவன பங்குகள் விலையில் எந்த மாற்றமும் இல்லை எண்ணெய் மற்றும் எரிவாயு, உலோகம், தகவல் தொழில்நுட்பம் ஆகிய துறைகள் அதிக லாபம் ஈட்டின.