தரவுகளால் ஏற்பட்ட தயக்கம்

 நேற்று பங்குச் சந்தை குறியீடுகளான சென்செக்ஸ் மற்றும் நிப்டி ஆகியவை, டெரிவேட்டிவ் ஒப்பந்தங்களின் மாதாந்திர காலாவதிக்கு மத்தி யில், மிகவும் ஏற்ற இறக்கமான நிலையில் இருந்து, பிறகு வர்த்தக இறுதியில் லாபத்துடன் முடிவடைந்தது.
 சென்செக்ஸ் கிட்டத்தட்ட 195 புள்ளிகள் அளவுக்கும், நிப்டி 32 புள்ளிகள் அளவுக்கும் வர்த்தக இறுதியில் உயர்ந்து நிலைபெற்றது.
 நாட்டின் மொத்த உள்நாட்டு உற்பத்தி, முக்கியமான துறைகளின் வளர்ச்சி ஆகியற்றுக்கான தரவுகள் வெளியாக இருந்ததை அடுத்து, முதலீட்டாளர்கள் ஜாக்கிரதை உணர்வுடனேயே சந்தையை அணுகினர்.
 ரிலையன்ஸ் இண்டஸ்ட்ரீஸ் பங்குகள் அதிகம் வாங்கப்பட்டது, சந்தை உயர முக்கிய காரணமாக இருந்தது. இந்நிறுவனம், வால்ட் டிஸ்னியுடன் இணைந்து, இந்தியாவில் 70,000 கோடி ரூபாய் மதிப்பில் புதிய ஊடக செயல்பாடுகளில் ஈடுபட இருப்பதாக அறிவித்ததை அடுத்து, ரிலையன்ஸ் பங்குகள், வர்த்தகத்தின் இடையே இரண்டு சதவீதம் அளவுக்கு விலை உயர்வைக் கண்டது
 மும்பை பங்குச் சந்தையில் மிட்கேப் குறியீடு 0.84 சதவீதமும்; ஸ்மால்கேப் 0.50 சதவீதமும் அதிகரித்தது குறிப்பிடத்தக்கது
 ஆசிய சந்தைகளில் சியோல், டோக்கியோ, ஹாங்காங் ஆகியவை சரிவைக் கண்டன. ஷாங்காய் சந்தை மட்டுமே உயர்வை சந்தித்தது. ஐரோப்பிய சந்தைகள் ஓரளவு சாதகமாக இருந்தன. புதன் அன்று அமெரிக்க சந்தை இறக்கத்தை சந்தித்தது. அன்னிய நிறுவன முதலீட்டாளர்கள் புதன் அன்று கிட்டத்தட்ட 1,879 கோடி ரூபாய் மதிப்பிலான பங்குகளை விற்பனை செய்துஉள்ளனர்.