சரிவில் துவங்கி மீண்ட சந்தை

* நேற்றைய வர்த்தகத்தில், ஐ.டி.சி., ரிலையன்ஸ், எஸ்.பி.ஐ., நிறுவன பங்குகள் விற்பனை அதிகரித்த நிலையில், சென்செக்ஸ், நிப்டி ஆகியவை, உயர்வைக் கண்டன. சென்செக்ஸ் 0.12 சதவீதமும்; 0.10 சதவீதமும் உயர்ந்து, ஒருவழியாக சரிவிலிருந்து தங்களை மீட்டுக் கொண்டுள்ளன
* உலக சந்தைகளின் சாதகமான போக்கு, நாட்டின் நேரடி வருமான வரி வருவாய் அதிகரிப்பு, அன்னிய நிறுவன முதலீடுகள் வரத்து ஆகியவையும், சந்தையை சரிவிலிருந்து காப்பாற்றின
* மாருதி சுசூகி நிறுவன பங்குகள் விலை, வர்த்தகத்தின் இடையே, முதன் முறையாக 12,000 ரூபாயை தொட்டது.
* டாடா கெமிக்கல்ஸ் நிறுவன பங்குகள், கிட்டத்தட்ட 8 சதவீதம் அளவுக்கு சரிவைக் கண்டது. மேலும் டாடா ஸ்டீல், டாடா மோட்டார்ஸ், டி.சி.எஸ்., ஆகிய நிறுவன பங்குகளின் விலையும் சரிவைக் கண்டது
* பல பங்குகளில் முதலீட்டாளர்கள் லாபத்தை அறுவடை செய்து கொள்ளும் விதமாக, அவற்றை அதிகளவில் விற்பனை செய்தனர்
* மும்பை பங்கு சந்தையில் 13 துறைகளை சேர்ந்த நிறுவனங்களின் பங்குகள், விலை அதிகரிப்பையும்; 7 துறைகளை சேர்ந்த நிறுவனங்களின் பங்குகள், விலை சரிவையும் கண்டன
* அமெரிக்க பெடரல் வங்கி அதன் வட்டி விகிதம் குறித்த அறிவிப்பை வெளியிட உள்ளதை அடுத்து பெரும்பாலான முதலீட்டாளர்கள் மிக கவனமாகவே சந்தையை அணுகினர்
* ஆசிய சந்தைகளில் சியோல், ஷாங்காய், ஹாங்காங் ஆகியவை ஏற்றம் கண்டன. ஐரோப்பிய சந்தைகள் இறக்கத்தில் வர்த்தகமாகி வந்தன. அமெரிக்க சந்தைகள் செவ்வாயன்று ஏற்றத்தை கண்டன
* அமெரிக்க டாலருக்கு எதிரான இந்திய ரூபாயின் மதிப்பு, 13 பைசா சரிந்து, 83.16 ரூபாயாக இருந்தது
* உலகளவிலான பிரென்ட் கச்சா எண்ணெய் விலை, ஒரு பேரலுக்கு 0.80 சதவீதம் சரிந்து, 86.68 அமெரிக்க டாலராக இருந்தது