இதுகுறித்து என்.எஸ்.இ., நிர்வாகம், “பியூச்சர்ஸ் வர்த்தகமானது, பெரும்பாலும் நீண்டகால முதலீட்டாளர்களால் நஷ்டத்தை தவிர்க்க, 'ஹெட்ஜிங்'காக பயன்படுத்தப்படுகிறது. தற்போது வரி உயர்த்தப்பட்டுள்ளதால், இண்டெக்ஸ் மற்றும் ஸ்டாக் பியூச்சர்ஸ் வர்த்தகத்தில் ஈடுபடுவது கூடுதல் செலவை ஏற்படுத்தும். இது நீண்டகால முதலீட்டாளர்களின் பங்கேற்பை குறைக்கக்கூடும். இந்த வரி உயர்வு காரணமாக வர்த்தகத்தின் அளவு எந்தளவு குறையும் என்பதை இப்போது துல்லியமாக கணிக்க முடியாது”, என தெரிவித்துள்ளது.

இதற்கிடையே, புரோக்கர்கள் சங்கமான ஏ.என்.எம்.ஐ., இந்த எஸ்.டி.டி., உயர்வுக்கு கடும் எதிர்ப்பு தெரிவித்துள்ளது.

“உலக சந்தைகளுடன் ஒப்பிடும்போது, இந்திய சந்தைகளில் ஏற்கனவே பரிவர்த்தனை செலவு அதிகம். இந்தச்சூழலில், கூடுதல் வரி சந்தையின் பணப்புழக்கம், ரிஸ்க் மேலாண்மை மற்றும் முதலீட்டாளர் பங்கேற்பை பாதிக்கக்கூடும். எனவே, பழைய எஸ்.டி.டி., வரியை தொடர்வதே சந்தை நிலைத்தன்மைக்கு உதவும்”, எனவும் கூறியுள்ளது.