நாள் முழுவதுமே பெரிய அளவிலான ஏற்ற இறக்கங்கள் இல்லாமல் நடைபெற்ற நிப்டி, நாளின் இறுதியில் 18 புள்ளிகள் ஏற்றத்துடன் நிறவடைந்தது. பரந்த சந்தை குறியீடுகள் 16-ல், 14 ஏற்றத்துடனும்; 2 இறக்கத்துடனும் நிறைவடைந்தன. இவற்றில் 'நிப்டி இந்தியா எப்.பி.ஐ., 150' குறியீடு அதிகபட்சமாக 0.16 சதவிகித ஏற்றத்துடனும்; 'நிப்டி மைக்ரோகேப் 250' குறியீடு, அதிகபட்சமாக 0.52 சதவிகித இறக்கத்துடனும் நிறைவடைந்தது. 19 துறை சார்ந்த குறியீடுகளில், 15 ஏற்றத்துடனும்; 4 இறக்கத்துடனும் நிறைவடைந்தன. இவற்றில் 'நிப்டி ஹெல்த்கேர்' குறியீடு, அதிகபட்சமாக 1.62 சதவிகித ஏற்றத்துடனும்; நிப்டி ஐ.டி., குறியீடு அதிகபட்சமாக 1.76 சதவிகித இறக்கத்துடனும் நிறைவடைந்தன.

வர்த்தகம் நடந்த 3,247 பங்குகளில், 1,481 ஏற்றத்துடனும்; 1,681 இறக்கத்துடனும்; 85 மாற்றம் ஏதும் இன்றியும் நிறைவடைந்திருந்தன. மொமெண்டம் இண்டிகேட்டர்கள் இன்னமும் ஏற்றம் தொடர்வதற்கான வாய்ப்பு இருப்பதைப்போன்ற தோற்றத்தையே காட்டுகின்றன. 25,850-க்கு மேலேயே வர்த்தகமாகும் வரை, 26,200 என்ற எல்லைக்கு சென்று திரும்புவதற்கான வாய்ப்பு இருக்கிறது. 25,750-க்கு கீழே போனால், 25,500 வரையிலும் சென்று திரும்பலாம்.