புதுடில்லி:வருமான வரித்துறை கமிஷனர் உள்ளிட்ட, 4 அரசு அதிகாரிகளை, சி.பி.ஐ., அதிகாரிகள் நேற்று கைது செய்தனர்.ஆக்ராவைச் சேர்ந்த ஹோமி ராஜ்வனாஸ், கடந்த 2005ம் ஆண்டில், 'இந்திய தேசிய விவசாயக் கூட்டுறவு வாணிபக் கூட்டமைப்பின்' நிர்வாக இயக்குனராகப் பணியாற்றினார்.அவர், தனது பதவிக் காலத்தின் போது, விவசாயம் சார்ந்த நிறுவனங்களுக்கு, முறைகேடாகக் கடனுதவி வழங்கியதாகப் புகார்கள் எழுந்தன.