உ.பி., மாநிலம் பிஹாரிபூர் மற்றும் அசிமாபாத் ஆகிய கிராமங்களை சேர்ந்த 22 பேர், கப்செண்டா கிராமத்தில் நடந்த கண்காட்சிக்கு டிராக்டரில் நேற்று முன் தினம் காலை சென்றனர். இரவு ஊருக்கு திரும்பினர்.

தில்ஹரின் - நிகோஹி சாலையில் ஜான்யூரி கிராமம் அருகே டிரைவர் கட்டுப்பாட்டை இழந்த டிராக்டர், சாலையோர பள்ளத்தில் கவிழ்ந்தது.

இதில், அமித்குமார்,40, முரளி,60, ஆகிய இருவரும் அதே இடத்தில் உயிரிழந்தனர். காயம் அடைந்த 6 பெண்கள் உள்பட 20 பேர் ஷாஜகான்பூர் அரசு மருத்துவக் கல்லூரி மருத்துவமனையில் சேர்க்கப்பட்டுள்ளனர்.

இந்த விபத்தில் உயிரிழந்தோருக்கு இரங்கல் தெரிவித்துள்ள உ.பி., முதல்வர் யோகி ஆதித்யநாத், காயம் அடைந்தோருக்கு தீவிர சிகிச்சை அளிக்க உத்தரவிட்டுள்ளார்.