தேசிய ஜனநாயக கூட்டணியில் ம.ஜ.த.,வுக்கு தான் கோலார் என்பது சற்று தாமதமாக தெரிய வந்துள்ளது. வேட்பாளர் யாரென அறிய அக்கட்சியினர் ஆர்வமுடன் உள்ளனர்.

முல்பாகல் ம.ஜ.த., - எம்.எல்.ஏ., சம்ருத்தி மஞ்சுநாத் அல்லது பங்கார் பேட்டை மல்லேஸ் பாபு ஆகிய இருவரில் ஒருவர் வேட்பாளர் ஆகலாம் என்று அக்கட்சியின் வட்டார தகவல்கள் தெரிவிக்கின்றன.

இதுகுறித்து, சம்ருத்தி மஞ்சுநாத் கூறியதாவது:

காங்கிரசில் நான்கு கோஷ்டிகள். ஆனால் ம.ஜ.த.,வில் நோ கோஷ்டி. எங்களுக்குள் 'ஏ' டீம், 'பி' டீம், 'டூப்ளிகேட்' டீம் என எதுவும் கிடையாது. தேசிய கூட்டணி வேட்பாளர் வெற்றி பெற வேண்டும் என்பது தான் எங்களின் நிலைப்பாடு.

நாளை (இன்று) மாலை 4:00 மணிக்கு சென்னையில் சிகிச்சை பெற்று வரும் குமாரசாமி, சிறப்பு விமானம் மூலம் பெங்களூரு வருகிறார். மூன்று தொகுதிகளின் வேட்பாளர் பட்டியலை அவர் வெளியிடுவார். கோலார் ம.ஜ.த.,வில் கோஷ்டி தகராறு இல்லவே இல்லை.

இவ்வாறு அவர் கூறினார்

.

- நமது நிருபர் -