கர்நாடக மாநில பா.ஜ., தலைவராக பொறுப்பேற்ற பின், கட்சியை பலப்படுத்தும் பணியில் விஜயேந்திரா ஈடுபட்டுள்ளார்.

சட்ட மேலவை எதிர்க்கட்சித் தலைவர், துணைத் தலைவர், தலைமை கொறடா; சட்டசபை எதிர்க்கட்சி துணைத் தலைவர், தலைமை கொறடா, மாநில துணைத் தலைவர்கள், பொது செயலர்கள், செயலர்கள், வெவ்வேறு பிரிவு தலைவர்களை அவர் நியமித்தார்.

தற்போது, 11 செய்தி தொடர்பாளர்களை நேற்று நியமித்து உத்தரவிட்டுள்ளார்.

தலைமை செய்தி தொடர்பாளராக முன்னாள் எம்.எல்.சி., அஸ்வத் நாராயணா; செய்தி தொடர்பாளராக ஹரிபிரகாஷ் கோணமனே, சலவாதி நாராயணசாமி, தேஜஸ்வினிகவுடா, நவீன், மகேஷ், சந்திரசேகர், நரேந்திர ரங்கப்பா, சுரபி ஹோதிகெரே, அசோக் கவுடா, வெங்கடேஷ் தொட்டேரி ஆகியோர் நியமிக்கப்பட்டுள்ளனர்.

சமூக வலை தள பிரிவு ஒருங்கிணைப்பாளராக பிரசாந்த் மாகனுார், இணை ஒருங்கிணைப்பாளராக நரேந்திர மூர்த்தி; தகவல் தொழில்நுட்ப பிரிவு ஒருங்கிணைப்பாளராக நிதின்ராஜ் நாயக்; இணை ஒருங்கிணைப்பாளராக சியாமளா ரகுநந்தன் ஆகியோர் நியமிக்கப்பட்டுள்ளனர்.

ஊடக பிரிவு ஒருங்கிணைப்பாளராக கருணாகர காசலே, இணை ஒருங்கிணைப்பாளராக பிரசாந்த் கெடஞ்சி ஆகியோர் பதவி நீட்டிக்கப்பட்டுள்ளது.