டில்லியின் அலிபூர் பகுதியில் மார்க்கெட் அமைந்துள்ள பகுதியில் பெயிண்ட் தொழிற்சாலை ஒன்று அமைந்துள்ளது. இங்கு நேற்று மாலை தீவிபத்து ஏற்பட்டது. இந்த தீயானது, அருகில் உள்ள குடோனுக்கும் பரவியது. மாலை 5:25 மணியளவில் தீயணைப்பு துறையினருக்கு தகவல் தெரிவிக்கப்பட்டது.

6 தீயணைப்பு வாகனங்களில் வந்த வீரர்கள்,4 மணி நேரம் போராடி தீயை கட்டுக்குள் கொண்டு வந்தனர். இச்சம்பவத்தில், 11 பேர் உயிரிழந்தனர். போலீஸ் உட்பட 4 பேர் காயமடைந்து மருத்துவமனையில் சிகிச்சை பெற்று வருகின்றனர். தீயினால் உள்ளே வெடிப்பு சத்தம் கேட்டதாக அக்கம் பக்கத்தினர் தெரிவித்தனர். தொழிற்சாலையில் வைக்கப்பட்டிருந்த ரசாயனங்கள் வெடித்து இருக்கலாம் என போலீசார் கூறியுள்ளனர். தீவிபத்திற்கான காரணம் குறித்து விசாரணை நடக்கிறது.