வடகிழக்கு டில்லியில் உள்ள சீமாபுரி பகுதியில், நேற்று மதியம் 3:30 மணியளவில், 225 சதுர அடி பரப்பளவு கொண்ட இடத்தில் கட்டப்பட்ட நான்கு மாடி நான்கு மாடி கட்டடம் இடிந்து விழுந்தது. இந்த கட்டடத்தின் இடிபாடுகள் அருகில் உள்ள மூன்று வீடுகளின் சில பகுதிகளை மூடியுள்ளது.

சம்பவம் குறித்து தகவல் கிடைத்தை அடுத்து, தீயணைப்பு படையினர், டில்லி போலீசார், உள்ளாட்சி அதிகாரிகள் மற்றும் சிவில் பாதுகாப்புபடையினர் சம்பவ இடுத்திற்கு விரைந்தனர். உடனடியாக மீட்புப்பணி துவங்கியது.

இடிபாடுகளில் காயமடைந்த நிலையில் ஐந்து பேர் மீட்கப்பட்டு மருத்துவமனைகளுக்கு அனுப்பப்பட்டனர். இடிந்த கட்டடத்திற்கு உள்ளே இரண்டு அல்லது மூன்று பேர் சிக்கியிருக்கிலாம் என்று கருதப்படுகிறது.

நேற்று முன்தினம் உத்தரகண்ட் மாநிலத்தில் ஏற்பட்ட நிலநடுக்கத்தால், டில்லி தேசிய தலைநகர் பகுதியிலும் அதிர்வுகள் உணரப்பட்டன. இதைத் தொடர்ந்து, அந்த கட்டடத்தில் விரிசல்கள் ஏற்பட்டதாக அப்பகுதி மக்கள் தெரிவித்தனர். இருப்பினும், கட்டடம் இடிந்து விழுந்ததற்கான உண்மையான காரணம் விசாரணைக்குப் பிறகே தெரியவரும் என்று, அதிகாரிகள் கூறினர்.