நாட்டின் 76வது குடியரசு தின விழா அணிவகுப்பில் பங்கேற்ற முப்படை வீரர்கள், பாசறைக்கு திரும்பும் நிகழ்வு டில்லி விஜய் சவுக்கில் நடந்தது. வண்ண உடை அணிந்த முப்படை வீரர்கள், வாத்திய இசைக்கு ஏற்ப அணிவகுத்துச் சென்றனர்.

ஆயுதப்படை வீரர்கள், டிரம்ஸ் இசைக்குழுவினரின் அணிவகுப்பு, கண்கவர் நிகழ்ச்சியாக அமைந்தது. ஆயுதக் காவல் படை இசைக்குழுக்கள் ரசிக்கத்தக்க பல பாடல்களை இசைத்தனர்.

இந்த விழாவை ஜனாதிபதி திரவுபதி முர்மு, பிரதமர் நரேந்திர மோடி, துணை ஜனாதிபதி ஜக்தீப் தன்கர், மத்திய அமைச்சர்கள், எம்.பி.,க்கள் உள்ளிட்ட பலர் நேரில் பார்வையிட்டனர்.