மாணவியர், மாணவர்களுக்கு தனி தனி பிரிவுகளில் போட்டிகள் நடத்தப்பட்டன. இறுதி போட்டிகள் நேற்று முன்தினம் நடந்தன. மாணவியர் பிரிவில் பெங்களூரு வடக்கு, மைசூரு அணிகள் மோதின.

ஆரம்பம் முதலே இரு அணிகளும் தங்கள் இலக்கை நோக்கி ஆர்வத்துடன் விளையாடினர். 2 - 1 கணக்கில், மைசூரு அணியை வீழ்த்தி, பெங்களூரு வடக்கு அணி கோப்பையை வென்றது.

மாணவர்கள் பிரிவில், பெங்., தெற்கு - தட்சிண கன்னடா அணிகள் மோதின. இறுதியில், 2 - 1 கணக்கில், தட்சிண கன்னடா அணியை வீழ்த்தி, பெங்., தெற்கு சாம்பியன் ஆனது.

இதுபோன்று, சிங்கிள்ஸ் மாணவியர் பிரிவில், மைசூரின் தியா, 21 - 8, 21 - 8 என்ற கணக்கில், பெங்., வடக்கு அனன்யாவை வீழ்த்தினார். டபுள்ஸ் மாணவியர் பிரிவில், பெங்., வடக்கு ருஜுலா - மவுனிதா ஜோடி, 21 - 3, 21 - 13 என்ற கணக்கில், மைசூரின் திவ்யா - சஞ்சனா ஜோடியை வீழ்த்தினர்.

மாணவியர் ரிவர்ஸ் சிங்கிள்ஸ் பிரிவில், பெங்., வடக்கு ருஜுலா, 21 - 6, 21 - 6 என்ற கணக்கில், மைசூரின் அனன்யாவை வீழ்த்தி, வெற்றி பெற்றார்.

மாணவர் சிங்கிள்ஸ் பிரிவில், பெங்., தெற்கு தியான், 21 - 5, 21 - 5 என்ற கணக்கில், தட்சின கன்னடாவின் அன்சுலை வீழ்த்தினார்.

மாணவர் டபுள்ஸ் பிரிவில், தட்சிண கன்னடாவின் ஆர்யா - திலக் ஜோடி, 18 - 21, 21 - 14, 21 - 13 என்ற கணக்கில், பெங்., தெற்கு சுமித் - கிரிஷ் ஜோடியை வீழ்த்தினர்.

மாணவர் ரிவர்ஸ் சிங்கிள்ஸ் பிரிவில், பெங்., தெற்கு கிரிஷ், 10 - 21, 21 - 11, 21 - 19 என்ற கணக்கில், மைசூரின் பாவேஷை வீழ்த்தினார்

. - நமது நிருபர் -