இது குறித்து, தேசிய குற்ற ஆவண காப்பகம் நேற்று வெளியிட்ட அறிக்கை:

கடந்த 2016-ல், 36,022 ஆக இருந்த போக்சோ வழக்குகள், 2023-ல், 67,694 ஆக அதிகரிப்பு. பாதிக்கப்பட்ட குழந்தைகளின் எண்ணிக்கை, 36,321-லிருந்து, 68,636 ஆக உயர்வு

மேலும் 2016ல், 1 லட்சமாக இருந்த குழந்தைகளுக்கு எதிரான குற்றங்கள், 2023ல், 1.77 லட்சமாக அதிகரிப்பு. பாதிக்கப்பட்டோரின் எண்ணிக்கையும், 1.11 லட்சத்திலிருந்து, 1.86 லட்சமாக உயர்வு

ஒட்டுமொத்தத்தில், 2016 - 2023- வரை, குழந்தைகளுக்கு எதிரான குற்றங்களில், 12.05 லட்சம் பேர் பாதிப்பு. இது தொடர்பாக, 11.43 லட்சம் வழக்குகள் பதிவு

18 வயதுக்குட்பட்டோரில், பாலியல் வன்கொடுமையால் பாதிக்கப்பட்டவர்களில், 99 சதவீதத்திற்கும் அதிகமானோர் சிறுமியர்

கடந்த 2018 - 2023 வரை, 1.89 லட்சம் குழந்தைகள் பாலியல் வன்கொடுமைக்கு ஆளாகியுள்ளனர். இதில், 1.87 லட்சம் பேர் சிறுமியர்; 1,920 பேர் சிறுவர்கள்.

12 - 16 வயதுக்குட்பட்ட பிரிவில், 72,613 பேர் பாதிப்பு. இவர்களில், 716 பேர் சிறுவர்கள். 16 - 18 வயதுக்குட்பட்ட பிரிவில், 95,543 பேர் பாதிப்பு. இவர்களில், 304 பேர் சிறுவர்கள்

கல்வி அல்லது வேலைக்காக அதிக துாரம் பயணம் செய்ய வேண்டியிருப்பதால்,

16 - 18 வயதுக்குட்பட்டோர் எளிதில் பாலியல் குற்றங்களுக்கு ஆளாவதாக தகவல்

மாநிலங்களை பொறுத்தவரை, குழந்தைகளுக்கு எதிரான பாலியல் வழக்குகளில், 2023ல், 4,672 பாதிக்கப்பட்டவர்களுடன் மஹாராஷ்டிரா முதலிடம். அடுத்தபடியாக, ம.பி., - உ.பி., - தமிழகம் உள்ளன.

கடந்த 2016 - 2023 வரை, குழந்தைகளுக்கு எதிரான குற்றங்களால் பாதிக்கப்பட்ட, 12.05 லட்சம் பேரில், 5.32 லட்சம் பேர் கடத்தல் தொடர்பான வழக்குகளில் பாதிக்கப்பட்டவர்கள்.

கடத்தப்பட்ட சிறுமியரில், 1 லட்சம் பேர் கட்டாய திருமணத்திற்காக கடத்தல். 2016-ல், திருமணத்திற்காக கடத்தப்படும் சிறுமியரின் சதவீதம், 30- ஆக இருந்தது; 2023ல், 20- ஆகக் குறைந்துள்ளது. இவ்வாறு அதில் குறிப்பிடப் பட்டுள்ளது.