அயோத்தியில் ராமர் கோவிலின் மறுசீரமைப்பு, காசி விஸ்வநாதர் கோயிலின் பிரமாண்டமான மறுசீரமைப்பு ஆன்மிக பாரம்பரியத்தை மீண்டும் உயிர்ப்பிக்கிறது. இன்றைய இந்தியா உறுதியுடனும், நம்பிக்கையுடனும் முன்னேற்றி வருகிறது என்பதை நிரூபிக்கின்றன. பல நூற்றாண்டுகளுக்கு முன்பு, இந்த பகுதி துன்பங்களை எதிர்கொண்ட போது, ​​மக்கள் தங்கள் வீடுகளையும் குடும்பங்களையும் விட்டு வெளியேறி புதிய நிலங்களில் தஞ்சம் அடைய வேண்டிய கட்டாயம் ஏற்பட்டபோது, ​​இந்த மடாலயம் சமூகத்தை ஆதரித்தது.

மதத்தை மட்டுமல்ல, மனித நேயத்தையும், கலாசாரத்தையும் பாதுகாத்தது. காலப்போக்கில், மடத்தின் சேவை விரிவடைந்துள்ளது. இன்று, கல்வி முதல் விடுதிகள் வரை, முதியோர் பராமரிப்பு முதல் ஏழைக் குடும்பங்களுக்கு உதவி வரை, இந்த மடாலயம் எப்போதும் அதன் வளங்களை பொது நலனுக்காக அர்ப்பணித்துள்ளது. இங்கே, 77 அடி உயர ராமர் சிலை நிறுவப்பட்டது. மூன்று நாட்களுக்கு முன்பு, அயோத்தியில் உள்ள ராமர் கோவில் காவிக்கொடி ஏற்றி வைக்கும் பாக்கியம் எனக்கு கிடைத்தது.

வளர்ச்சியடைந்த பாரதம்

சுற்றுச்சூழலை பாதுகாக்கும் போது தான் வளர்ச்சி அடைந்த பாரதம் என்ற கனவு நனவாகும். நான் ஒன்பது கோரிக்கைகளை வைக்க விரும்புகிறேன். இந்த கோரிக்கைகள் ஒன்பது தீர்மானங்களைப் போன்றவை.

* தண்ணீரை சேமிக்க வேண்டும்.

* மரங்கள் நட வேண்டும்.

* தூய்மையாக வைத்திருக்க வேண்டும்.

* சுதேசி பொருட்களை ஏற்றுக்கொள்ள வேண்டும்.

* நாட்டின் பல்வேறு பகுதிகளைப் புரிந்துகொள்ள நாம் பாடுபட வேண்டும்.

* இயற்கை விவசாயத்தை நமது வாழ்வின் ஒரு பகுதியாக மாற்றிக் கொள்ள வேண்டும்.

* ஆரோக்கியமான வாழ்க்கை முறையை ஏற்றுக்கொள்ள வேண்டும். திணை வகை உணவுகளை அதிகமாக எடுத்துக் கொள்ள வேண்டும். நமது உணவு பயன்பாட்டில் எண்ணெயின் அளவை 10 சதவீதம் குறைத்துக் கொள்ள வேண்டும்.

* விளையாட்டுக்கள் மற்றும் யோகா பயிற்சியில் ஈடுபட வேண்டும்.

* ஏழைகளுக்கு ஏதாவது ஒரு வகையில் உதவி செய்ய வேண்டும்

வளர்ச்சி அடைந்த பாரதம் நோக்கிய பயணத்தில் அனைவரும் ஒற்றுமையுடன் செயல்பட வேண்டும். சமூகம் ஒன்றுபடும்போது, ​​ஒவ்வொரு துறையும் வளர்ச்சி அடைய முடியும். அப்போதுதான் இந்தியா பெரும் முன்னேற்றம் அடையும். இவ்வாறு பிரதமர் மோடி பேசினார்.