உலக அளவில் ஏற்பட்டுள்ள பொருளாதார சுணக்க நிலையை சமாளிக்கும் வகையில், நம் சந்தைப் பொருளாதாரம் சிறந்து விளங்குகிறது. பங்குச் சந்தையில் நேற்று பெரிய அளவில் சரிவு ஏற்பட்டிருந்தாலும், அதனால், எவ்விதமான பாதிப்புகளும் இன்றி மீண்டிருக்கிறோம். இந்திய சந்தைப் பொருளாதாரத்தை மேம்படுத்தும் வகையிலும், உலக நாடுகளின் முதலீட்டை பெறும் வகையிலும், உறுதியான, முக்கிய நடவடிக்கைகள் எடுக்கப்பட்டு வருகின்றன. அதிகரித்து வரும் பணவீக்கம் கவலை தரும் வகையில் உள்ளது. இந்த குறுகிய கால பணவீக்கத்தை சமாளித்தாக வேண்டும். இது, நிலையான பொருளாதார வளர்ச்சியை அசைத்துப் பார்க்கும் விதத்தில் உள்ளது. இவ்வாறு பிரணாப் முகர்ஜி பேசினார்.