வட கிழக்கு மாநிலமான அசாமில் முதல்வர் ஹிமந்த பிஸ்வா சர்மா தலைமையிலான அரசு, மாநிலத்தில் சட்டவிரோதமாக தங்கியுள்ளவர்களை வெளியேற்றும் நடவடிக்கைகளை மேற்கொண்டு வருகிறது. அதன் ஒரு பகுதியாக, இன்று நாகோன் மாவட்டத்தில் இருந்து 1,700 குடும்பங்கள் வெளியேற்றப்பட்டனர்.

இது குறித்து மாநிலத்தின் சிறப்பு தலைமை செயலாளர்(வனம்) எம்.கே. யாதவா கூறியதாவது:

மத்திய அசாமில் வனப்பகுதியை மீட்டெடுக்கவும் மனிதர்களுக்கும் யானைகளுக்கும் இடையிலான மோதலைக் குறைக்கவும் இந்த வெளியேற்றம் அவசியமாகிறது.

.குறிப்பாக, அரசு நிலங்களை ஆக்கிரமித்தும், வனப்பகுதியில் அரசு நிலங்களில் சட்டவிரோதமாக தங்கியிருந்தவர்களும் வெளியேற்றப்பட்டு வருகின்றனர். இந்த நடவடிக்கையின்படி, இதுவரை 50,000க்கும் மேற்பட்டோர் வெளியேற்றப்பட்டுள்ளனர்.

நாகோன் மாவட்டத்தில் லுட்டிமரி பகுதியில் தங்கியிருந்த ஊடுருவல்காரர்களை வெளியேற்ற, கெடு விடுத்தது. 3 மாதங்களாகியும், அங்கு தங்கியிருந்த சட்டவிரோத குடியேறிகள் காலி செய்யாததை அடுத்து, அவர்களை வெளியேற்றும் பணி இன்று நடந்தது. அதில் இங்கு தங்கியிருந்த 1,700குடும்பங்கள் வலுக்கட்டாயமாக வெளியேற்றப்பட்டன.இவ்வாறு யாதவா கூறினார்.