மஹாராஷ்டிரா மாநிலம், நாக்பூரில் உள்ள விலங்கு மற்றும் மீன்வள அறிவியல் பல்கலைக்கழகத்தில் நடந்த கருத்தரங்கில் மோகன் பாகவத் பேசியதாவது: நான் இதே கல்லூரியில் படித்தேன், கால்நடை மருத்துவத் துறையிலிருந்து வெளியேறி 50 ஆண்டுகள் ஆகின்றன. எனக்கு எதுவும் நினைவில் இல்லை என்று நான் கூறமாட்டேன். ஒரு முன்னாள் மாணவனாக, நீங்கள் என்னை நினைவில் வைத்து இந்த நிகழ்ச்சிக்கு அழைத்தீர்கள், அதற்காக நான் உங்களுக்கு நன்றி கூறுகிறேன்.

விலங்குகள், தாவரங்கள் மற்றும் மனிதர்கள் அனைத்தும் ஒரே சூழலின் ஒரு பகுதியாகும். ஒருவருக்கொருவர் இல்லாமல் இருக்க முடியாது என்பதைப் பற்றி உலகம் இப்போது சிந்திக்கிறது. அதே நேரத்தில், ஒன்றாக வாழ்வது நோய்கள் போன்ற ஆபத்துகளை ஏற்படுத்தும். விலங்குகள் மற்றும் இயற்கை ஆகியவற்றுடன் மனிதர்கள் நல்லிணக்கத்துடன் வாழ வேண்டும்.

மனிதர்கள் அனைவருடனும் எப்படி ஒன்றாக வாழ்வது என்பது பற்றி சிந்திக்க வேண்டும். நாட்டின் பொருளாதார வளர்ச்சியில் கால்நடை டாக்டர்கள் குறிப்பிடத்தக்க பங்கை வகிக்கிறார்கள். கால்நடை டாக்டர்கள் வெறும் விலங்குகளில் நிபுணர்கள் மட்டுமல்ல, சமூகத்தில் முக்கியமான பங்குதாரர்கள். தேசிய அளவில் தனி கால்நடை மருத்துவக் குழுவை அமைக்க வேண்டும்.

எந்தவொரு துறையும் கள நிபுணர்களால் வழிநடத்தப்பட்டு ஒழுங்குபடுத்தப்படும்போது முன்னேறும். கால்நடை டாக்டர்களும் இதேபோன்ற அங்கீகாரத்தையும் சுயாட்சியையும் பெறுவார்கள். இந்தியா ஒரு விவசாய நாடு. கால்நடைத் துறை விவசாயிகளையும் கால்நடை வளர்ப்பில் ஈடுபடுபவர்களையும் ஆதரிப்பதில் முக்கிய பங்கு வகிக்கிறது. இவ்வாறு மோகன் பாகவத் பேசினார்.