நாட்டின் சுந்திர தினத்தை முன்னிட்டு ஆந்திராவின் விஜயவாடாவில், ஹர் கர் திரங்கா நிகழ்ச்சியை முதல்வர் சந்திரபாபு நாயுடு துவங்கி வைத்தார். நிகழ்ச்சியில் சந்திரபாபு நாயுடு பேசியதாவது: பிரதமர் நரேந்திர மோடி தலைமையில் இந்தியா வேகமான வளர்ச்சியை கண்டுள்ளது; சக்தி வாய்ந்த நாடாக உருவெடுத்துள்ளது. இந்தியரை புறக்கணிப்பது அமெரிக்காவுக்கு நல்லதல்ல.

இந்திய திறமை இல்லாமல் தாங்கள் வளர்ச்சியடைய முடியாது என்பதை அத்தகைய நாடுகள் விரைவில் உணரும். நமக்கு நல்ல பொருளாதாரம் இருக்கிறது. நாம் வேகமாக வளர்ந்து வரும் பொருளாதாரம், இப்போது எங்களுடன் யாரும் போட்டியிட முடியாது. இந்தியாவின் பொருளாதாரம் உலகில் 11வது இடத்திலிருந்து 4வது இடத்திற்கு விரைவான முன்னேற்றம் கண்டுள்ளது.

வலிமையான நாடாக...!

உலகிற்கு இந்தியாவின் சேவைகள் தேவை, மேலும் நாம் வழங்க நல்ல நிலையில் இருக்கிறோம். 2047ம் ஆண்டு, நமது நாடு உலகின் வலிமையான நாடாகவும், பொருளாதாரமாகவும் இருக்கும். எந்தப் பொருளாதாரங்கள் இறந்துவிட்டன என்பதை எதிர்காலம் தீர்மானிக்கும். நாம் ஏற்கனவே ஒரு உலகளாவிய தலைவராக வளர்ந்து வருகிறோம்.

வர்த்தகத் தடைகள்

சிலர் நமக்கு சிரமங்களை ஏற்படுத்துவதால் இந்தியாவின் வளர்ச்சியைத் தடுக்கவோ அல்லது அசைக்கவோ முடியாது. இந்தியாவின் வளர்ச்சிக் கதையைத் தடுத்து நிறுத்தும் என்று நினைத்து வரிகள் விதிக்கப்படுகின்றன. வர்த்தகத் தடைகள் போன்ற இந்தத் தடைகள் தற்காலிகமானவை; அவற்றால் நம்மைத் தடுக்க முடியாது. நாம் இன்னும் ஒரு சக்திவாய்ந்த நாடாக உருவெடுப்போம்.

பஹல்காம் தாக்குதலுக்கு, ஆப்பரேஷன் சிந்துார் நடவடிக்கை மூலம் சரியான பதிலடி தரப்பட்டது. நாம் எப்போதும் எந்த நாட்டின் விஷயத்திலும் தலையிடமாட்டோம். ஆனால், நம்மை சீண்டுபவர்களை சும்மாவிட மாட்டோம். இவ்வாறு சந்திரபாபு நாயுடு பேசினார்.