இந்த சம்பவம் ஆகஸ்ட் 4, 2021 அன்று நடந்தது, அப்போது குற்றம் சாட்டப்பட்ட ஆண்டனி, சிறுமியை அவரது வீட்டிற்கு அருகிலுள்ள தேயிலைத் தோட்டத்திற்கு இழுத்துச் சென்று பாலியல் பலாத்காரம் செய்ததாக வழக்கு பதிவானது.இந்த வழக்கு பைனாவு விரைவு நீதிமன்ற நீதிபதி லைஜுமோல் ஷெரிப் தலைமையில் விசாரணைக்கு வந்தது.

இந்த வழக்கில் அளிக்கப்பட்ட தீர்ப்பில் கூறப்பட்டுள்ளதாவது:

அரசு தரப்பு வாதத்தின்படி,பாதிக்கப்பட்ட பெண் எதிர்க்க முயன்றபோது, ​​குற்றம் சாட்டப்பட்டவர் அவளை கல்லால் தாக்கி அவரது முகத்தில் காயங்களை ஏற்படுத்தியதாக அரசு தரப்பு வழக்கறிஞர் கூறினார்.

விசாரணையின் போது நீதிமன்றத்தால் 29 சாட்சிகள் மற்றும் 35 ஆவணங்கள் விசாரிக்கப்பட்டது.

சிறப்பு அரசு வழக்கறிஞர் ஷிஜோ மோன் ஜோசப் கூறுகையில்,பேச்சு குறைபாடுள்ள மாற்றுத்திறனாளி சிறுமியின் வாக்குமூலம் சைகை மொழி மூலம் வீடியோவில் பதிவு செய்யப்பட்டதாகவும், விசாரணை நீதிமன்ற நடவடிக்கைகள் கூட வீடியோவில் பதிவு செய்யப்பட்டதாகவும் கூறினார்.

குற்றம் சாட்டப்பட்ட ஆண்டனிக்கு ஐபிசி மற்றும் பாலியல் குற்றங்களிலிருந்து குழந்தைகளைப் பாதுகாத்தல் (போக்சோ) சட்டத்தின் பிரிவுகளின் கீழ் இரட்டை ஆயுள் தண்டனை விதித்தும் மேலும் அவர் சாகும் வரை சிறையில் அடைக்கப்பட வேண்டும்.

குற்றம் சாட்டப்பட்டவருக்கு நீதிமன்றம் ரூ.3.11 லட்சம் அபராதம் விதித்தது, மேலும் அந்தத் தொகையை அவர் செலுத்தினால், அதை பாதிக்கப்பட்டவருக்கு வழங்க வேண்டும் என்றும் உத்தரவிட்டது.

மாவட்ட சட்ட சேவைகள் ஆணையம் குழந்தைக்கு போதுமான இழப்பீடு வழங்க வேண்டும்.

இவ்வாறு தீர்ப்பில் உத்தரவிடப்பட்டது.