பிளாஸ்டிக் கழிவுகளில் இருந்து மின்சாரம் தயாரிக்கிறது கேரளா
பிளாஸ்டிக் கழிவுகளில் இருந்து மின்சாரம் தயாரிக்கிறது கேரளா
UPDATED : அக் 03, 2026 12:00 AM
ADDED : அக் 02, 2026 10:34 PM

கொச்சி: “பிளாஸ்டிக் கழிவுகளை அகற்றி, அதில்இருந்தும், குப்பைகளில் இருந்தும் மின்சாரம் தயாரிப்பதற்கான முன் மாதிரி ஆலைகள், அடுத்த இரண்டு ஆண்டுகளில் கேரளாவில் அமைக்கப்படும்,” என, அம்மாநில முதல்வர் சதீசன் தெரிவித்துள்ளார்.
கேரளாவில் காங்கிரசை சேர்ந்த முதல்வர் சதீசன் தலைமையில், ஐக்கிய ஜனநாயக முன்னணி கூட்டணி ஆட்சி அமைந்துள்ளது. இங்கு, ‘நிர்மலம்: துாய்மையான கேரளாவின் புதிய சகாப்தம்’ என்ற பெயரிலான ஐந்து ஆண்டு திட்டத்தை, மாநில அரசு முன்னெடுத்துள்ளது.
இந்த திட்டத்தை முதல்வர் சதீசன், கொச்சியில் நேற்று தொடங்கி வைத்து பேசியதாவது:
பிளாஸ்டிக் கழிவுகளை அகற்றுவதற்கு இரண்டு அல்லது மூன்று முன்மாதிரி ஆலைகளும், சாதாரண கழிவுகளில் இருந்து மின்சாரம் தயாரிக்க நான்கு அல்லது ஐந்து முன்மாதிரி ஆலைகளும் அமைக்கப்படும்.
அடுத்த ஓரிரு ஆண்டுகளில் இந்த ஆலைகள் அமைக்க திட்டமிடப்பட்டுள்ளது. நிர்மலம் திட்டத்தின் மூலம், 2031, மார்ச் 30க்குள் கேரளா குப்பையில்லா மாநிலமாக மாறும்.
இவ்வாறு அவர் பேசினார்.
