தங்கவயல் தாலுகா தாசில்தார் நாகவேணி நேற்று கூறியதாவது:

தங்கவயல் நகராட்சி அரங்கில் நாளை 14ம் தேதி காலை 11:00 மணி முதல் மதியம் 1:30 மணி வரை, லோக் ஆயுக்தா போலீசார், மக்கள் குறை கேட்பு நிகழ்ச்சியை நடத்துகின்றனர். அப்போது மக்கள் பிரச்னைகளை லோக் ஆயுக்தா அதிகாரிகளிடம் தெரிவிக்கலாம்.

இவ்வாறு அவர் தெரிவித்துள்ளார்.

கோலார் மாவட்ட லோக் ஆயுக்தா எஸ்.பி., ரமேஷ் சுற்றறிக்கை:

அரசு அலுவலகங்களில் அதிகாரிகள், ஊழியர்கள், பொதுமக்களின் கோரிக்கைகளை கவனிக்காமல் அலட்சியம் செய்தல், தாமதப்படுத்துதல், தொல்லைகள் கொடுத்தல் போன்றவைகள் செய்திருந்தால், எழுத்து மூலமாக புகார் அளிக்கலாம். உடனடியாக உரிய நடவடிக்கை எடுக்கப்படும்.

இவ்வாறு அதில் கூறப்பட்டுள்ளது.